ارض کی جمع قرآن کریم میں کیوں نہیں

سوال

قرآن مجید کے اندر جمع کا لفظ ارض یعنی زمین کے متعلق وارد نہیں ہوا بلکہ واحد آیا ہے اور آسمان کے لئے جمع کا لفظ آیا ہے جیسے آیة الکرسی میں ہے له مافي السموات و مافی الارض کیا زمین کے طبقات نہیں ہیں۔ جیسے سات طبق آسمان کے ہیں۔ دریافت طلب امر یہ ہے کہ زمین صرف ایک اور جز سات ہیں یا علیحدہ علیحدہ سات طبق ہیں مثل آسمان کے شعراء وعوام عام طور سے چودہ طبق کہتے ہیں مثلاً: کئے چودہ طبق پیدا خدا نے دکھائے معجزے خیر الوریٰ نے اور احادیث میں ہے کہ سات دوزخیں زمین میں ہیں اور سات جنت آسمان میں۔

جواب

سات زمین ہونا حدیث سے صراحہ ثابت ہے اور قرآن کریم میں بھی سورہ طلاق کے آخر میں ہے۔ واللهُ الَّذِي خَلَقَ سَبْعَ سَمَوَاتٍ وَمِنَ الْأَرْضِ مِثْلَهُنَّ اس کی تفسیر جلالین شریف میں ہے سبع ارضین سات اجزاء نہیں بلکہ سات طبق آسمان کی طرح ہیں بعض روایات میں ہر زمین کے کچھ حالات بھی علیحدہ علیحدہ منقول ہیں۔ کذافی العرائس وبدائع الظهور ومجموعة الفتاوى۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔