نماز میں ٹوپی عمامہ سے کھلی رہنے کا حکم

سوال

امام صاحب پنج وقتہ نماز پڑھاتے ہیں اور سر پر دو پلی ٹوپی اوڑھتے ہیں اور ٹوپی پر عمامہ باندھتے ہیں لیکن عمامہ سے ٹوپی سر پر کھلی رہتی ہے جس پر بعض نمازیوں کو اعتراض ہے اور کہتے ہیں کہ عمامہ سے ٹوپی کھلے رہنے سے نماز مکروہ تحریمی ہوتی ہے۔ بعض مقتدی حضرات امام صاحب سے متفق ہیں اور کہتے ہیں کہ ٹوپی کھلے رہنے سے نماز میں کوئی خرابی نہیں ہوتی براہ کرم اس مسئلہ کو صاف کر دیں کہ کون حق پر ہے؟

جواب

جولوگ عمامہ پر ٹوپی کھلے رہنے پر اعتراض کرتے ہیں ان سے پوچھا جائے کہ اعتراض کی کیا وجہ ہے نیز جو لوگ یہ کہتے ہیں کہ عمامہ سے ٹوپی کھلی رکھنا مکروہ تحریمی ہے ان سے دریافت کیا جائے کہ کس کتاب میں مکروہ تحریمی لکھا ہے۔ نماز میں جو چیزیں مکروہ ہیں ان کو فقہ کی کتابوں میں لکھ دیا گیا ہے اور اس چیز کو اس میں شمار نہیں کیا گیا۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔