اجازت نکاح میں دل کی خواہش کا اعتبار ہے یا زبان کا

سوال

ایک قوم مثلاً راجپوت رانگڑ وغیرہ جو کہ نکاح بیوہ بیاہ کرنا برا جانتے ہیں اور بسبب جہالت کے عورتیں بھی اپنے منہ سے نکاح کی اجازت نہیں دیتیں بلکہ وہ وقت نکاح لوگوں کے سامنے انکار کر دیتی ہیں۔ یعنی ظاہر اً صاف انکار کرتی ہیں مگر دل میں خواہش یقیناً ہوتی ہے اس حالت میں کہ ظاہراً انکار کرتی ہو تو نکاح جائز ہو سکتا ہے یا نہیں؟

جواب

بیوہ کے نکاح کو عار سمجھنا سخت جہالت ہے۔ عورتوں کو مسائل سمجھا کر جہاں تک ہو سکے اس رواج کو توڑنا چاہئے۔ جو عورت زبان سے انکار کرتی ہے اور دل میں نکاح کی خواہش رکھتی ہے تو شرعاً اس کی زبان کا اعتبار ہوگا۔ پھر اگر نکاح ہونے پر اس نے زبان سے انکار کیا تو وہ نکاح صحیح نہیں ہوا۔ اگر انکار نہیں کیا بلکہ خاموش رہی اور شوہر کے ساتھ راضی ہوگئی تو نکاح صحیح ہو گیا۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔