معتدہ مزنیہ کا بعد ختم عدت زانی سے نکاح

سوال

ہندہ کو اس کے شوہر نے تین طلاق دیدی یا ہندہ کا شوہر مر گیا، تو زید نے ہندہ سے ایام عدت میں زنا کیا۔ (العیاذ باللہ) تو کیا ہندہ عدت گذرنے کے بعد زید (زانی) سے نکاح کر سکتی ہے؟ یا زید کے لئے ہمیشہ کے لئے حرام ہوگئی؟ اور ہندہ کی عدت میں کوئی خلل تو نہیں واقع ہوا؟ عوام میں مشہور ہے کہ عدت میں زنا کرنے والے پر وہ عورت مزنیہ ہمیشہ کے لئے حرام ہو جاتی ہے، کیا یہ صحیح ہے؟ نیز یہ بھی مشہور ہے کہ عدت میں اگر زنا کرالیا تو دوبارہ عدت گزار نی پڑیگی؟

جواب

اس معصیت کبیرہ کی وجہ سے نہ مزنیہ اس زانی پر ہمیشہ کے لئے حرام ہوتی ہے نہ اس پر دوسری عدت واجب ہوتی ہے۔ بلکہ پہلی عدت ختم ہونے تک دونوں الگ الگ رہیں۔ پھر جب عدت ختم ہو جائے تو نکاح کر لیں۔ گناہ سے توبہ کریں۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔