کسی نے مسجد کی زمین غصب کر کے اس پر تعمیر کر لی اس کے عوض زمین لینا مسجد کیلئے کیسا ہے

سوال

زید کا مکان مسجد کے متصل ہے، مسجد کے کچھ حصہ پر اس نے زبردستی کر کے مکان تعمیر کر لیا ہے اور کچھ حصہ غیر تعمیر شدہ ہے جو کہ اس کے گھر کا نکال ہے، اگر دباؤ ڈال کر اس زمین کو جس پر تعمیر نہیں ہوئی گھیر لیا جائے، یا مناسب قیمت لے لی جائے، تو یہ شرعاً جائز ہے یا نہیں؟

جواب

مسجد کی زمین کا جتنا حصہ اس نے اپنے مکان میں شامل کرلیا، اس کو اس سے خالی کرایا جائے، اگر وہ خالی نہ کرے اور اس کے عوض اتنی ہی زمین مسجد کو دینے پر آمادہ ہو جائے تو مجبوراً اسی کو قبول کر لیا جائے، کوشش یہی کی جائے کہ مسجد کی اصل زمین ہی مسجد کو مل جائے، مسجد کے لئے اس کے متصل زمین خرید نا مسجد کی مصلحت کیلئے ہر صورت میں درست ہے۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔