دفع سحر کی ترکیب

سوال

زید کی شادی ہندہ سے ہوئی مگر ہندہ کے گھر والوں نے زید پر جادو کر دیا جس سے اپنے والدین سے بالکل بیزار ہو گیا۔ بہت عمل کیا مگر افاقہ نہیں ہوا اب یہ بتلایا گیا کہ شیطانی عمل ہی سے دور ہوگا۔ تو اگر ایسا عمل (جادو) کرایا جائے تو گنجائش ہے یا نہیں؟

جواب

یہ کہنا کہ عمل شیطانی ہی سے علاج ہوتا ہے یہ صحیح نہیں ہے۔ دفع سحر جائز اعمال سے بھی ہوتا ہے۔ رسول اللہ ﷺ کے دفع سحر کے لئے معوذتین نازل ہوئی تھیں۔ مثلاً اگر سحر کئے کو چالیس روز تک سوره فاتحه مع بسم الله الرحمن الرحیم چینی کے برتن پر زعفران کے پانی سے لکھ کر دھو کر پلایا جائے نہار منہ تو باذن اللہ تعالیٰ شفا ہو جاتی ہے۔ حدیث شریف میں موجود ہے کہ سورہ فاتحہ شفا ہے۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔