بھینس کا مصنوعی بچہ بنا کر بھینس کے سامنے کھڑا کرنا

سوال

جب کسی دودھ دینے والی بھینس کا بچہ مر جاتا ہے تو وہ دودھ دینے میں پریشان کرنے لگتی ہے۔ اس کی ترکیب لوگ یہ کرتے ہیں کہ مردہ بچے کی کھال نکلوا کر بھینس کے سامنے کھڑا کر دیتے ہیں۔ بھینس اس کو اپنا بچہ سمجھ کر دودھ اتار لیتی ہے۔ دریافت طلب امر یہ ہے کہ یہ ترتیب اور اس طریقہ سے دودھ نکالنا جائز ہے یا نا جائز؟ ایک اور ترکیب دودھ نکالنے کی لوگ یہ کرتے ہیں کہ ایسی بھینس کو بہت زیادہ ڈرایا جاتا ہے، یہاں تک کہ اس کے پیشاب کے راستہ میں ہاتھ ڈالدیتے ہیں جس کی وجہ سے بہت زیادہ ڈر جاتی ہے اور پھر وہ دودھ دینے لگتی ہے۔

جواب

مردہ بچہ کی کھال نکلوا کر اس کے سامنے کرنے سے دودھ دیتی ہے تو اس میں مضائقہ نہیں، اجازت ہے۔ اس میں نہ بھینس کی حق تلفی ہے نہ کوئی اور ناجائز بات ہے، اپنا حق وصول کرنے کی تدبیر ہے۔ جب اس طرح کام چل جاتا ہے تو اس کو بہت ڈرا کر زیادہ تکلیف کیوں دی جائے۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔