کچھ جانور بھی جنت میں جائیں گے

سوال

اصحاب کہف کا کتا بھی جنت میں داخل ہوگا بعض کتابوں میں تحریر ہے حالانکہ کتا اس قدر نجس قرار دیا گیا کہ فرشتے تک انبیاء کے گھروں میں داخل نہ ہو سکیں پھر یہ کتا جنت میں کس طرح داخل ہوگا۔ بعض کتابوں میں تحریر ہے کہ یہ کتے کی شکل میں نہ جائے گا۔ دریافت طلب امر یہ ہے کہ پھر کس شکل میں جنت میں داخل ہوگا؟ یا یہ بالکل غلط ہے کہ جنت میں داخل ہوگا۔ تفسیر موضح القرآن میں ہے کہ کتا بھی زندہ ہے لاکھوں اچھوں میں ایک برا بھی آئے گا؟

جواب

تفسیر خازن میں لکھا ہے کہ اصحاب کہف کا کتا جنت میں جائے گا۔ لیکن کوئی کیفیت تحریر نہیں کہ کسی صورت میں جائے گا۔ جس خدا کو قدرت ہے کہ وہ مردے کو زندہ کرے بلکہ عدم سے وجود عطا فرمائے۔ وہ اگر نجاست کو طہارت سے بدل دے تو کیا اشکال ہے۔ دنیا میں انسان قسم قسم کی نجاستوں کا مخزن ہے۔ مگر جنت میں اس کے ساتھ کوئی نجاست نہیں رہے گی۔ سب سے پاک وصاف کر دیا جائے گا۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔