زانی کی امامت

سوال

ایک حافظ صاحب کو زنا کرتے ہوئے دیکھا اور اس کو سمجھایا مگر وہ اپنی اس حرکت بد کو نہیں چھوڑتا میں نے ان سے کتنی ہی مرتبہ یہ بھی کہا کہ تم نماز مت پڑھایا کرو تمہارے پیچھے نماز نہیں ہوتی ہے اس لئے حضور سے اس مسئلہ کا فتویٰ تحریراً دریافت ہے تا کہ میں حافظ صاحب کو دکھا دوں اور چار آدمی اس کے شاہد ہیں۔

جواب

زنا کا ثبوت زانی کے اقرار یا چار عینی ثقہ شاہدوں کی شہادت سے ہوتا ہے بغیر اس کے ثبوت نہیں ہوتا۔ اگر شرعی ثبوت ہے اور امام نے توبہ نہیں کی تو اس کی امامت مکروہ تحریمی ہے۔ جبکہ اس سے بہتر امامت کے لائق موجود ہو۔ اگر شرعی ثبوت نہیں تو محض بدگمانی کی بنا پر اس کو زانی کہنا جائز نہیں البتہ امام کو اپنا چال چلن ایسا رکھنا ضروری ہے جس سے دوسروں کو بدگمانی کا موقع نہ ملے۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔