شادی میں بری کس کی ملک ہے

سوال

بوقت نکاح لڑکی کے والدین جو زیور وغیرہ دیتے ہیں وہ تو جہیز کہلاتا ہے اور منکوحہ کی ملکیت سمجھا جاتا ہے شرعاً وعرفاً لیکن اس موقع پر شوہر کی طرف سے جو کپڑے زیور وغیرہ دیئے جاتے ہیں جس کو اردو میں بری کہتے ہیں فقہاء اس کو کس لفظ سے تعبیر فرماتے ہیں اور بعد نکاح یہ بری کی اشیاء کس کی ملکیت میں محسوب ہوتی ہیں آیا بطور ہبہ کے عورت کی ملکیت میں آجاتی ہے یا شوہر کی ملکیت رہتی ہیں اور عورت کے پاس بطور عاریت کے رہتی ہیں تفریق بموت یا طلاق کی صورت میں ان کا مستحق کون ہے براہ نوازش ماخذ جواب کی عبارت مع حوالہ کتب وصفحہ ارقام…

جواب

اس میں بھی عرف پر مدار ہے اگر دیتے وقت کوئی تصریح نہ ہو تو عرف پر مدار ہے۔ یوپی میں عرف خاندانوں کے اعتبار سے مختلف ہے ہمارے خاندان میں جہیز اور بری سب کچھ لڑکی کا ہی شمار ہوتا ہے تفریق بموت زوجہ کی صورت میں شوہر مالک نہیں ہوتا۔ الا بقدر الارث اور طلاق کی صورت میں کلیہ زوجہ بدستور مالک رہتی ہے۔ بعض خاندانوں میں شوہر بری واپس لے لیتا ہے۔

ماخذ: فتاویٰ محمودیہ

خلاصہ۔ مکمل متن جاوا اسکرپٹ فعال ہونے پر کھلتا ہے۔